Qewlê hezar û yek nava Qewlê hezar û yek nava
Padşê min bi hezar û yek nav e
Ev dinya li ba wî seat û gav e
Ew dizane li behra çend keşkûl av e
Li besta çend kevir dinav e
Ewî Hewa kir e bûk Adem kir e zav e
�
Çendî panîye çendî pesar e çendî berî ye çendî behr e
Hemû li ser kefa Siltan Êzî ye
�
Padşê min yî bêrî ye Xwezî min bizanî ye
Ka gay mezintire an masî ye
�
Şirûta min ji vê ye Tefteşji vê cewabê ye
Masî heft car mezintire ji gê ye
�
Birme ber destê wî hostay Heft Melek sekinîne li ber wî gay
Her heft xas û qelenderên padşay
�
Padşê min yî bêrî ye Ewan Xasa mîr anî ye
Serwerê her hefta Melekê Adî ye
�
Ew behra bi nav nisêbîn e Birayê wan şeqîne
kesek ji wan re diîne
Her heft bûne Melekên zemîn e
�
Her hefta jê vedxiwar e Dur mewicî bû behr e
Kasek ji wan ra dihinar e
Gay û masî jê vedxiwar e
Lew ser pişta xwe qebûl kirin,
deşt, banî, berî û behr e
�
Hate ba sure xwedanê kas ê Hey rikno ji esas ê
Siltan Êzîye bi xwe xwedanê kas ê
�
Ew kas da Şêx Misafir Hey welîyo çendî faxir
Lew sura padşa hate ba te ji ewil heta bi axir
�
Ew kas Şêx Beraket e Xelat kir bi heft xelat e
Lew ji érda firî çû semawat e
�
Ew kas da Êzdîne Mîr e Ew li dinê û axretê xebîr e
Li dinê û axretê sekinîn,
ser milê Şemsedîn û Melik Fexredîn e
�
Ew kas da Şêxûbekir Hey şirîno yi weke şekir
Pad·ay keremek bi te kir
Lew ciyê xwe li ba te kir
�
Ew kas da Şemsê Êzdîn e Mifte û kilîlên qudretê bi destê wî ne
Li erda û ezmana girtin û berdan bêyî şêşim nîne
�
Ew kas da Şêxê sunet ê Kerem ji Xwedê wê kasê bore tê
�
Sîhîd Pêxember bi wê kasê di bû mest e Ewî ne pê hebû ne dest e
Lew siltan êzî ronahî li ber xist e
�
Sê sed û şêst û şeşnebî di mursil in Hemû ji wê kasê di xemil in
Hemû li ber hikmeta siltan êzî nin
Ya siltan Êzî tu yê li erda yê li ezman a
Tu yê li behra tu yê li binyan a
Tu yê li zara tu yê li ziman a
Tu yê liçiya tu yê li sikana
Miraza em ji te dixwazîn dîne û îman a 
|
