Qewlê Dayik û Baba
Qewlê Dayik û Baba
Menid ji şex Fexir pirsîye
Tu bi heqî key îlahiye
Irkana mêrê êzidî çîye ....
Fexir wê ban dike surre
Ji keşkula xwe tîne der durre
Ji mendê xwe re dihûne û vediçirre ....
Firwarek hat ji ‘ezmana
Rêûrisim û hed û sed bo me danane
Yek ji wan , wesiyeta dayik û Babane ....
Firwar hatîye ji ba melekê celîl
Li hemû wexta li hemû bedîl
Ji berî Isa û Musa û Birahîm� xelîl ....
Firwar hat ji ba Êzîdê sore
Bi emrê wî lêda more
Li emrê wî bi weste û lê nebore ....
Hizra xwe bike li vê dinê
Bi emrê pedşayî bi tinê
Ewî dana Bab, ewî dana Dê ....
Ez di bêjme we : hûn nekin ji bîr
Ez di bêjme we : xelkê êrifî zana yî jîr
Hûn çu cara bêy Dayik û Baba nekin tekbîr....
Li ser te ye danaye heqe
Li gel Dayik û Baba neken axaftina reqe
Da ser û ziman li ser we nebin şeqe ....
Kesanê dilê wan hişte
Ewî dilê terîqeta xiwe ji xwe hişte
Li axretê yî bê pale yî bê pişte ....
Heqe tu li wan bikey silave
Û zîyaretî bî li desit û çave
Li hemû suba li hemû gava ....
Yî şikestîye destê ser rabî
Li dinê û axretê tena nabî
Dê di agirê dojê de terrabî ....
Ew pîsekî sefîl yî rû reşe
Ew gayekî şaş yî beşe
Mêrê bê Dayik û Baba gava xwe pavêt û bi meşe ....
Neh meha tû xudan kirî
Ji av û agir tû dûr kirî
Xewêt şeva li xwe heram kirî ....
Bab li erda hostaye
Mal bi wî ye rawestaye
Ta’eta wî ta’eta Xudaye ....
Heke tû çil çilî bi rojî bî
Heke tû çilêt dî bi micade û ebadet li pê bî
Fêde nake tu ne li ta’eta Dê û babê bî ....
Heke tû dilê Dayê şayî nekî
Û dilê Babê tena nekî
Fêde nake , heke tû sed salî ebadet bikî ....
Heke Dayik û Bab ji te nebine razî
Tû çend bikî hawar û gazî
Tû çu cara miraz nabî ….
Ne bêje tû Deykeke pîrî
Û bê hizrî bê bîrî
Heke bi wê Deykê nebe , tû naçiye dîwana mîrî ....
Ne bêje pîremêrekî kale
Û zergûnekî bê hale
Heke bi wî babî nebe , tû naçiye dîwana Xwedê te’ale ....
Ew gava nesax di bin
Ew bê desit û pê dibin
Cayize hingî di xizmet da bin ....
Bi destî bigire bi gêrre
Bi Lalişê ve bi hinêre
Rehmekê vêre bi bêre ....
Vêre bi de xêre
Û du’ayekê bike ji melekê cebêre
Da tû şermezar nebî li gel melikan û mêre ....
Ev qewle min ji cem qewil zanê hêja û jêhatî berêz ( MERWAN BABIRI ) li meha nîsanê 2006 li bacêrê Oldenburg daye nivîsîn , pirr ji dil sopasîya wî dikem û daxiwaza serketinê jêra dikem .hejî gotinêye kû wî ji cem berêz ( ELI BABAŞÊX) wergirtibû .
Bedelê feqîr Hecî 
|
