Home

ROJA BÎRANÎNA CANGORYAN

ROJA BÎRANÎNA CANGORYAN

17 ê Tebaxê, Nîvro, MALA ÊZÎDIYAN ya bajarê Oldênbûrgê tije meriv bûn. Wê rojê ji alyê Navenda Şêwirdariya Êzdiyan li Elmanyaye roja bîranîna cangoryên Êzdiyan yê fermanan û şehîdên komkujya gundên Şengalê Girezêr û Sîba Şêx Xidirê dihate derbaskirin Salon û sivderên MALÊ bi heznî hatibûn xemilandin. Her alya dengê bilûrê û miqamên melûl dihatin.

Sehet 13.00 an li goristana Êzdiyan ya bajêr kulîlk danîne li ser mexberan. Qewlbêj Merwan qewl got. Paşê salona malê da dest bi mêrasîma bîranînê bû. Mîrê Ezdîxanê Tesîn Beg axavtineke pir barkêş û bi naverok kir. Li ser navê Navenda Şêwrdarya Êzdiyan pêşda hat serokê wê Têlîm Tolan. Bedelê Feqîr Hecî ji dîroka fermana axavtineke hewaskar pêşkêş kir.

Helbestvanê hiskirî Xebat Şakir û helbestvan Diyar Qaidy…. helbestên xweye li ser bûyerên komkujya Şengalê xwendin.Nivîskar Eskerê Boyîk pêşnyar li Parlamênta Herema Kurdistanê, Mîrê Ezdîxanê û Meclîsa Êzdiyaye ruhanî kir ku 14 Tebaxê, wek roja bîranîna cangoryên Êzdiyan seva hemû Êzdiyên cihanê bikine rojeke resmî, ku wê rojê Lalîşa Nûranî girtî heta her cîyê Êzdî lê dijîn, hersal bê pêkanîn.Dewyê da xêr hate dayîn. Rêvabirya Roja bîranînê bi serketin derbas kir Kazim Oba, endemê Komîtêya rêvabir ya Mala Êzdiyan.

Komîtêya rewşenbîrî ya mala Êzdiyan (Oldenburg)

Wêne: Ilyas Yanc